Yoqutistondagi Ziryanka aeroportida An-24 yo‘lovchi samolyoti uchish-qo‘nish yo‘lagidan chiqib ketib, muzlagan Kolima daryosiga qo‘ndi, deb yozmoqda Meduza.
Polar Airlines samolyoti Yakutsk—Ziryanka—Srednekolimsk yo‘nalishi bo‘yicha YAP217 reysini amalga oshirgan edi. Samolyot bortida 30 yo‘lovchi va to‘rt nafar ekipaj aʼzosi bo‘lgan.
“Yakutsk vecherniy” nashrining yozishicha, uchuvchilar uchish-qo‘nish yo‘lagidan 200 metr o‘tib ketib, daryo qirg‘og‘iga qo‘ngan.
Hodisa oqibatida hech kim jabrlanmagan. Samolyotga ham zarar yetmagan. Yo‘lovchilar aeroport terminali va mehmonxonaga joylashtirildi.
Federal havo transporti agentligi va transport prokuraturasi hodisa yuzasidan tergov o‘tkazishni buyurdi.
“Dastlabki maʼlumotlarga ko‘ra, aviatsiya hodisasiga ekipajning samolyotni boshqarishdagi xatosi sabab bo‘lgan”, — deyiladi prokuraturada.
Izoh (0)