Uzbekistan Airways’ning Nyu-Yorkdan Toshkentga uchayotgan samolyoti zo‘ravonlik qilgan yo‘lovchi tufayli Sankt-Peterburg favqulodda qo‘ndi.
Aviakompaniya matbuot xizmatining xabar qilishicha, voqea 11-dekabr kuni Toshkent vaqti bilan 07:35 da HY102 reysida sodir bo‘ldi. Boeing 787 samolyoti sardori yo‘nalish bo‘ylab muqobil aerodromga qo‘nishga qaror qildi. Bortdagi muammo haqida radioaloqa orqali xabar berildi.
Zo‘ravonlik qilgan 1991-yilda tug‘ilgan O‘zbekiston fuqarosi politsiya xodimlari tomonidan reysdan tushirildi.
Zarur amaliyotlar amaga oshirilgach, samolyot belgilangan aeroportga parvozni davom ettiradi. HY102 reysining Toshkentga yetib kelishi soat 13:00 ga belgilangan.
Izoh (0)