Toshkent metropoliteni Yangi yil bayrami kunlari poyezdlar qatnovi hamda metro ishlash vaqti qay tartibda amalga oshirilishi to‘g‘risida ma’lumot berdi.
Ma’lum qilinishicha, 31-dekabr yakshanba — dam olish kunida metro poyezdlari harakati doimiy jadval asosida ish faoliyatini olib boradi. Ish vaqtining tugashi esa 1 (bir) soatga uzaytiriladi, ya’ni barcha metro bekatlari 31-dekabr soat 05:00 dan 1-yanvar soat 01:00 gacha yo‘lovchilarga xizmat ko‘rsatadi.
Shuningdek, qo‘shimcha dam olish kunlarida (2023-yil 30-dekabr, 2024-yil 1-2-yanvar) metro poyezdlari yakshanba kuni uchun tasdiqlangan jadval asosida, soat 05:00 dan 00:00 gacha harakatlanadi.
Avvalroq “Toshshahartransxizmat” 30-dekabrdan 2-yanvargacha bo‘lgan davrda harakatlanadigan jamoat transporti jadvali haqida maʼlumot bergandi.
Izoh (0)