Taʼmirlash ishlari tufayli bugun, 26-dekabr kuni Shahrisabz shahri, Chiroqchi, Yakkabog‘, Kitob va Shahrisabz tumanida tabiiy gaz taʼminoti vaqtincha to‘xtatiladi. Bu haqda “Hududgaz Qashqadaryo” GTF matbuot xizmati xabar berdi.
Qayd etilishicha, Muborak Magistral gaz quvuri boshqarmasining 02/86-sonli faksogrammasiga asosan ayni daqiqalardan taʼmirlash ishlari yakunlangunga qadar, Shahrisabz shahri, Chiroqchi, Yakkabog‘, Kitob va Shahrisabz tumanida tabiiy gaz taʼminoti vaqtincha to‘xtatiladi.
Shuningdek, yuqoridagi hududlarda joylashgan 21 ta avtomobillarga gaz to‘ldirish kompressor shoxobchasida ham gaz bo‘lmaydi.
Yuzaga kelayotgan noqulayliklar uchun gaz taʼminoti filiali isteʼmolchilardan uzr so‘raydi.
Dekabr oyi boshida baʼzi viloyatlardagina metan zapravkalarga cheklov kiritilgan bo‘lsa, 8-dekabr kuni bu tartib O‘zbekiston bo‘yicha joriy etilgan edi. Keyinroq, 12-dekabrdan gaz zapravkalar soat 06:00 dan 12:00 gacha ishlash rejimiga o‘tgandi. Shu kunning ertasiga, 13-dekabr kuni poytaxt, Samarqand, Toshkent, Andijon, Namangan va Farg‘ona viloyatlaridagi AGTKSHlarning faoliyatiga qo‘shimcha cheklovlar kiritildi. Mazkur viloyatlarga kiritilgan cheklov 15-dekabrdan yumshatildi, lekin to‘la ochilganicha yo‘q.
Izoh (0)