“O‘zenergoinspeksiya” tomonidan huquqni muhofaza qiluvchi organlar va gaz taʼminoti korxonasi mutaxassislari bilan hamkorlikda Toshkent viloyatidagi avtomobillarga gaz to‘ldirish kompressor shoxobchalari (AGTKSH)da o‘tkazilgan nazorat tadbirlarida tabiiy gazdan noqonuniy foydalanish holatlari aniqlandi. Bu haqda Energetika vazirligi matbuot xizmati xabar berdi.
Xususan, Toshkent viloyati Yuqori Chirchiq tumanida joylashgan “B.E.G.700” MCHJga qarashli AGTKSH tomonidan gazning haqiqiy sarfini kamaytirib ko‘rsatish maqsadida hisobga olish priboriga tashqi taʼsir ko‘rsatgan holda uning sxemalari o‘zgartirilgani maʼlum bo‘lgan.
Dastlabki hisob-kitoblarga ko‘ra, mazkur AGTKSH tomonidan davlat manfaatlariga jami 1 milliard 258 million so‘mlik zarar yetkazilgani aniqlangan
Qoidabuzar isteʼmolchiga nisbatan belgilangan tartibda chora ko‘rish uchun tegishli hujjatlar huquqni muhofaza etuvchi organlarga taqdim qilingan.
Bundan avval Andijon, Surxondaryo viloyatlari va Qoraqalpog‘istondagi metan zapravkalar faoliyatiga cheklov o‘rnatilgandi. Birinchi navbatda aholi, shifoxona, maktab hamda maktabgacha ta’lim tashkiloti kabi ahamiyatga ega muassasalarning tabiiy gaz ta’minoti barqarorligini ta’minlash maqsad qilingan. 12-dekabrdan gaz zapravkalarning ish vaqtiga o‘zgartirishlar kiritilib, soat 06:00 dan 12:00 gacha etib belgilandi.
Izoh (0)