Rossiya TIV rasmiy vakili Mariya Zaxarovaning fikricha, Serbiya poytaxti Belgraddagi tartibsizliklar ortida kollektiv G‘arb turibdi.
“Kollektiv G‘arbning Maydan to‘ntarishi usullaridan foydalangan holda mamlakatdagi vaziyatni notinch qilishga urinishlari yaqqol ko‘rinib turibdi”, — dedi u.
Zaxarovaning ta’kidlashicha, vaziyatga yagona javob bu konstitutsiyaga qat’iy rioya qilish, milliy manfaatlar uchun ovoz bergan serb xalqining tanlovini hurmat qilishdir.
24-dekabr kuni kechqurun Belgrad parlament binosi yaqinida bir hafta oldin o‘tkazilgan parlament va mahalliy saylov natijalarini bekor qilishni talab qilib, bir necha ming kishi hukumatga qarshi namoyish o‘tkazdi.
Namoyishchilar parlament binosiga bir necha bor bostirib kirishga urinib, deraza va eshiklarga zarar yetkazgan. Binoga tosh va boshqa narsalar uloqtirilgan. Ichki ishlar vazirligi namoyishchilarni “binoga kirmaslikka” chaqirgan. Politsiya namoyishchilarga qarshi ko‘zni yoshlatuvchi gaz va qalampir ballonlarini ishlatib, ularning ichkariga kirishiga to‘sqinlik qilgan.
Izoh (0)