Milliy marketpleys tadqiqotida mamlakatning 5000 dan ortiq aholisi ishtirok etdi.
Mamlakat aholisining 90% dan ortig'i Yangi yilni uyda oilasi bilan nishonlashni va atigi 2-3 eng yaqinlariga sovg‘a berishni rejalashtirmoqda. Bu yil eng ko‘p xohlangan sovg‘alar ro‘yxatida: smartfonlar, noutbuklar, soatlar va, albatta, pul. Yoshlar smartfonlarni xohlashadi, ammo o‘rta va katta yoshdagi o‘zbekistonliklar sovg‘a sifatida maishiy texnika olishdan xursand bo‘lishadi. O‘tgan yili eng kop orzu qilingan sovg‘alar kitoblar va iPhone smartfonlari edi.
O‘zbekistonliklar yaqinlarining didini yaxshi bilishadi — Yangi yil oldidan xaridlar ro‘yxati sovg‘alar sifatida kutilayotgan tovarlarga to‘liq mos keladi. Ammo agar respondentlarning atigi 16 foizi archa ostida kiyim-kechak, poyabzal va aksessuarlarni ko‘rishni istasalar, bunday sovg‘a bermoqchi bo‘lganlarning soni 2 baravar ko‘p — mamlakat aholisining 30 foizi yaqinlariga kiyim va aksessuarlar berishni rejalashtirishmoqda. Avtomobillar bilan ham shunga o‘xshash holat — respondentlarning 15 foizi yangi mashinani sovg‘a sifatida olishni xohlashadi, ammo yaqinlariga mashina berishni rejalashtirayotganliklarini ishtirokchilarning 7 foizi aytdi.
— Bugungi kunda Uzum Market marketpleysida 600 000 dan ortiq noyob tovar nomlari taqdim etilgan, shunda hatto kichik aholi punktlaridagi foydalanuvchilarimiz ham butun oilasi uchun sovg‘alar sotib olishlari va ertasi kuni ularni olishlari mumkin, — deydi Uzum Market marketpleysining bosh direktori Ilshat Xametov. — Bizning tajribamiz va so‘rov ma’lumotlari ko‘rsatishi bo‘yicha mamlakatning ⅔ aholisi bayramga hozirdan tayyorgarlik ko‘rmoqda va yaqinlariga sovg‘alarni oldindan sotib olishmoqda. Va Yangi yil bayramlari oilaviy byudjetga og‘ir tushmasligi uchun foydalanuvchilarimiz buyurtmalarni Uzum Nasiyadan muddatli to‘lovga olishlari va 5-dekabr kuni Uzum Marketda boshlangan Yangi yil Savdosida ishtirok etib, minglab tovarlar orasidan sovg‘alarni tanlashlari mumkin.
So‘rov ma’lumotlarini Uzum Market statistikasi ham tasdiqlaydi: dekabr oyida platfotmada smartfonlar va maishiy texnika savdosi noyabr oyining shu davriga nisbatan 15 foizga o‘sdi, kiyim-kechak va poyabzalga talab 27 foizga oshdi, shirinliklarni esa 2 baravar ko‘p sotib olishmoqda. Marketpleys foydalanuvchilari uyni bezatish haqida ham unutishmadi: archalar, chiroqli marjonalar, bayramona stolga yashil no‘xat va makkajo‘xori ham eng ko‘p sotilayotgan tovarlar qatorida.
Sheriklik huquqi asosida.
Izoh (0)