AQSH mudofaa vaziri Lloyd Ostin 18-dekabr kuni Isroilga tashrif bilan keldi. U bu haqda X ijtimoiy tarmog‘ida ma’lum qildi.
Ma’lum qilinishicha, tashrif davomida Ostin mamlakat harbiy rahbariyati bilan Isroil armiyasining HAMAS jangchilariga qarshi amaliyotlarini muhokama qilishni rejalashtirgan.
“Men Isroil mudofaa vaziri Yoav Gallant, Isroil bosh vaziri devonining vakillari va harbiy rahbarlar bilan uchrashib, Amerikaning Isroilga sodiqligini yana bir bor tasdiqlayman, HAMASni yo‘q qilish bo‘yicha Isroil armiyasi operatsiyalarini muhokama qilaman hamda G‘azoda tinch aholini himoya qilish va insonparvarlik yordami oqimini taʼminlash zarurligini taʼkidlayman”, — deydi Ostin.
Isroilga tashrif oldidan AQSH mudofaa vaziri Kuvaytda bosh vazir o‘rinbosari va mudofaa vaziri bilan uchrashgan va shayx Navaf al-Ahmed al-Jobir as-Saboh vafot etgani munosabati bilan Kuvayt xalqiga hamdardlik bildirgan.
Izoh (0)