Soliq qo‘mitasi raisining buyrug‘i bilan Toshkent shahar va Surxondaryo viloyatidagi 6 ta tuman soliq inspeksiyasida yangi boshliqlar ish boshladi, deb xabar bermoqda qo‘mita matbuot xizmati.
Rustam Ashirmatov Yashnobod tumani soliq inspeksiyasi boshlig‘i etib tayinlandi.
U 1978-yil Toshkent viloyatida tug‘ilgan. Tayinlovga qadar Shayxontohur tumani hokimiyatida bo‘lim boshlig‘i lavozimida ishlab kelayotgan edi.
Rashid Jo‘rayev Angor tumani soliq inspeksiyasi boshlig‘i etib tayinlandi. U 1990-yil Surxondaryo viloyatida tug‘ilgan. Bunga qadar Sherobod tumani soliq inspeksiyasida sho‘ba boshlig‘i lavozimida ishlab kelayotgan edi.
Bobir Xaydarov Denov tumani soliq inspeksiyasi boshlig‘i etib tayinlandi.
U 1988-yil Surxondaryo viloyatida tug‘ilgan. Tayinlovga qadar Denov tumani soliq inspeksiyasi boshlig‘ining birinchi o‘rinbosari lavozimida ishlab kelayotgan edi.
Shuhrat Jumayev Bandixon tumani soliq inspeksiyasi boshlig‘i etib tayinlandi.
U 1976-yil Surxondaryo viloyatida tug‘ilgan. Bunga qadar Sherobod tumani soliq inspeksiyasi boshlig‘i lavozimida ishlab kelayotgan edi.
Toxirjon Sarmanov Boysun tumani soliq inspeksiyasi boshlig‘i etib tayinlandi.
U 1991-yil Surxondaryo viloyatida tug‘ilgan. Bunga qadar Bandixon tumani soliq inspeksiyasi boshlig‘i lavozimida ishlab kelgan.
Baxriddin Akramov Sherobod tumani soliq inspeksiyasi boshlig‘i etib tayinlandi.
U 1968-yil Surxondaryo viloyatida tug‘ilgan. Tayinlovga qadar Boysun tumani soliq inspeksiyasi boshlig‘i bo‘lgan.
Bundan avval Soliq qo‘mitasi raisining buyrug‘i bilan Qoraqalpog‘iston Respublikasi, Buxoro, Samarqand va Xorazm viloyatlaridagi 9 ta tuman (shahar) soliq inspeksiyalariga yangi boshliqlar tayinlangandi.
Izoh (0)