Солиқ қўмитаси раисининг буйруғи билан Тошкент шаҳар ва Сурхондарё вилоятидаги 6 та туман солиқ инспекциясида янги бошлиқлар иш бошлади, деб хабар бермоқда қўмита матбуот хизмати.
Рустам Аширматов Яшнобод тумани солиқ инспекцияси бошлиғи этиб тайинланди.
У 1978 йил Тошкент вилоятида туғилган. Тайинловга қадар Шайхонтоҳур тумани ҳокимиятида бўлим бошлиғи лавозимида ишлаб келаётган эди.
Рашид Жўраев Ангор тумани солиқ инспекцияси бошлиғи этиб тайинланди. У 1990 йил Сурхондарё вилоятида туғилган. Бунга қадар Шеробод тумани солиқ инспекциясида шўба бошлиғи лавозимида ишлаб келаётган эди.
Бобир Хайдаров Денов тумани солиқ инспекцияси бошлиғи этиб тайинланди.
У 1988 йил Сурхондарё вилоятида туғилган. Тайинловга қадар Денов тумани солиқ инспекцияси бошлиғининг биринчи ўринбосари лавозимида ишлаб келаётган эди.
Шуҳрат Жумаев Бандихон тумани солиқ инспекцияси бошлиғи этиб тайинланди.
У 1976 йил Сурхондарё вилоятида туғилган. Бунга қадар Шеробод тумани солиқ инспекцияси бошлиғи лавозимида ишлаб келаётган эди.
Тохиржон Сарманов Бойсун тумани солиқ инспекцияси бошлиғи этиб тайинланди.
У 1991 йил Сурхондарё вилоятида туғилган. Бунга қадар Бандихон тумани солиқ инспекцияси бошлиғи лавозимида ишлаб келган.
Бахриддин Акрамов Шеробод тумани солиқ инспекцияси бошлиғи этиб тайинланди.
У 1968 йил Сурхондарё вилоятида туғилган. Тайинловга қадар Бойсун тумани солиқ инспекцияси бошлиғи бўлган.
Бундан аввал Солиқ қўмитаси раисининг буйруғи билан Қорақалпоғистон Республикаси, Бухоро, Самарқанд ва Хоразм вилоятларидаги 9 та туман (шаҳар) солиқ инспекцияларига янги бошлиқлар тайинланганди.
Изоҳ (0)