Qashqadaryo va Buxoro viloyatlarida valyuta qimmatliklarining noqonuniy muomalaga kiritilishiga chek qo‘yildi, deb xabar beradi Bosh prokuratura huzuridagi departament.
Qayd etilishicha, departamentning Muborak tuman bo‘limi tomonidan tezkor tadbir o‘tkazilgan. Tadbirda valyuta ayirboshlash bilan shug‘ullanib kelgan A.R. fuqarolar N.X va I.Ch.ga 4 ming AQSH dollarini 49,2 million so‘mga sotgan vaqtida ashyoviy dalillar bilan ushlangan.
Departamentning Buxoro shahar bo‘limi tomonidan o‘tkazilgan tezkor tadbirda valyuta ayirboshlash bilan shug‘ullanib kelgan B.R. fuqaro A.A.dan 4,2 ming dollarni 51,4 million so‘mga sotib olgan vaqtida ashyoviy dalillar bilan qo‘lga olingan.
Shuningdek, departamentning Buxoro viloyat boshqarmasi tomonidan IIB xodimlari bilan hamkorlikda Olot tumanida o‘tkazilgan tezkor tadbirda valyuta ayirboshlash bilan shug‘ullanib kelgan F.B. 3,5 ming dollarni fuqaro D.Ya.ga 43 mln so‘mga sotgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 177-moddasi (Valyuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.
Izoh (0)