BMTning Afg‘onistonga yordam missiyasi rahbari Roza Otunboyeva 16-noyabr kuni O‘zbekistonga keldi va TIV rahbari bilan uchrashuv o‘tkazdi.
“Birlashgan Millatlar Tashkiloti Bosh kotibining Afg‘oniston bo‘yicha maxsus vakili, BMTning Afg‘onistonga yordam missiyasi rahbari Roza Otunbayeva xonim bilan uchrashishdan mamnunmiz”, — deb yozgan vazir Baxtiyor Saidov o‘z sahifasida.
Qayd etilishicha, uchrashuv davomida Afg‘onistonga insonparvarlik yordami ko‘rsatish, ushbu mamlakat milliy iqtisodiyotini tiklash va turli infratuzilmaviy loyihalarni amalga oshirish bo‘yicha o‘zaro hamkorlik hamda Afg‘oniston yo‘nalishida ilgari surilgan tashabbuslar yuzasidan fikr almashildi.
Roza O‘tunbayeva 2010-yil 7-apreldan 2011-yil 1-dekabrgacha Qirg‘iziston prezidenti bo‘lgan. 2022-yil 2-sentyabrda BMT bosh kotibining maxsus vakili etib tayinlangan.
Izoh (0)