Butunjahon boks kengashi (WBC) Frensis Ngannuni og‘ir vazn toifasidagi eng yaxshi bokschilar reytingiga kiritdi.
UFC sobiq chempioni eng yaxshi bokschilar ro‘yxatida o‘ninchi o‘rinni egalladi.
Ngannu professional boksda faqat bitta jang o‘tkazdi. 28-oktyabr kuni Saudiyada bo‘lib o‘tgan boks oqshomida Tayson Fyuriga qarshi ringga ko‘tarildi va ochkolari hisobida mag‘lubiyatga uchradi.
Frensis Ngannu esa 2023-yil yanvar oyida UFC’ni tark etganini ma’lum qilgandi. Sportchi 2022-yil yanvar oyida oktagondagi so‘nggi jangini o‘tkazgan va Siril Gan ustidan g‘alaba qozongandi.
Izoh (0)