Janubiy Afrikadagi oltin konida 550 ga yaqin konchi garovda qolmoqda. Bu haqda Eyewitness News radiostansiyasi ma’lum qildi.
Politsiyasining ma’lum qilishicha, voqea Springs shahri yaqinidagi East Modderfonteyn konida sodir bo‘lgan. Konga egalik qiluvchi Gold one kompaniyasi maʼlumotlariga ko‘ra, tungi navbatchi xodimlarning barchasi kondan qaytmagan.
Taxminlarga ko‘ra, konchilar Qurilish ishchilari kasaba uyushmasi faollari tomonidan garovga olingan. Ularning talablari hozircha oshkor etilmagan. Kasaba uyushmasi hodisaga aloqadorligini rad etdi, biroq sodir bo‘lgan voqea tafsilotlarini aniqlashga va’da berdi.
Hozirda politsiya shaxta atrofini o‘rab olgan. Janubiy Afrika konlarida oltin qazib olish ko‘pincha katta chuqurlikda, ba’zan 2 km dan oshiqroq pastdagi shaxtalarda amalga oshiriladi. Garovga olinganlar qay darajada chuqurlikda joylashgani hozircha ma’lum qilinmagan.
Izoh (0)