AQSHda yirik yo‘l-transport hodisasi yuz berdi: 158 ta mashina ko‘prikda to‘qnashib ketdi. Kamida yetti kishi halok bo‘ldi, 25 kishi kasalxonaga yotqizildi, deb xabar bermoqda CNN.
Hodisa 23-oktyabr kuni Nyu Orlean shahri yaqinida, 55-shosseda sodir bo‘lgan. To‘qnashuv vaqtida mashinalardan biri ko‘prikdan daryoga tushib ketgan, biroq haydovchi o‘zini qutqarishga muvaffaq bo‘lgan.
Yirik avariya botqoqliklardagi yong‘in oqibatida yuzaga kelgan quyuq tuman tufayli yuz bergan. Avvalroq meteorologlar Nyu Orlean g‘arbidagi hududni “super tuman” bosgani haqida xabar bergandi. Bu nam va tutunli sharoitda hosil bo‘ladigan qalin tuman bo‘lib, unda ko‘rish masofasini uch metrgacha bo‘lishi mumkin.
Ma’lum qilinishicha, halokatga uchragan transport vositalaridan biri xavfli suyuqlik olib ketayotgan yuk mashinasi edi.
Qurbonlar soni ortishi mumkin, chunki xavfsizlik xizmatlari vayronalarni tozalashda davom etmoqda, mashinalar ichida odamlar qolib ketgan bo‘lishi mumkin.
CNN Luiziana yozdan beri misli ko‘rilmagan o‘rmon yong‘inlari, haddan tashqari issiqlik va doimiy qurg‘oqchilik bilan kurashib kelayotganini eslatdi, bunday iqlim shtatning 62 foiziga ta’sir ko‘rsatmoqda.
Izoh (0)