G‘azo Sog‘liqni saqlash vazirligi 7-oktyabrdan buyon hududda halok bo‘lgan falastinliklar haqida yangi ma’lumotlarni e’lon qildi: 4 651 kishi, jumladan 1 873 nafar bola, 1 101 nafar ayol, 1 677 nafar erkak Isroil hujumlarining qurboni bo‘lgan, deb xabar bermoqda BBC.
Vazirlik alohida taʼkidlashicha, G‘azoning janubida shu vaqtgacha 839 nafar qurbon qayd etilgan. Isroil janubdagi falastinliklarni shimolga ko‘chirishni talab qilgandi. BMT evakuatsiyani imkonsiz deb atagan. HAMAS esa aholini uylarini tark etmaslikka chaqirgan.
Vazirlik maʼlumotlariga ko‘ra, 14 245 kishi jarohat olgan.
Isroil Sog‘liqni saqlash vazirligining so‘nggi ma’lumotlarida mamlakatda halok bo‘lganlar soni 1,4 mingdan ortiq kishini tashkil etgani, 5,4 mingdan ortiq odam jarohatlangani haqida aytiladi.
7-oktyabr kuni HAMAS Isroil hududiga hujum uyushtirganidan so‘ng, Isroil armiyasi ikki haftadan buyon G‘azo sektorini bombardimon qilmoqda.
Izoh (0)