Ғазо Соғлиқни сақлаш вазирлиги 7 октябрдан буён ҳудудда ҳалок бўлган фаластинликлар ҳақида янги маълумотларни эълон қилди: 4 651 киши, жумладан 1 873 нафар бола, 1 101 нафар аёл, 1 677 нафар эркак Исроил ҳужумларининг қурбони бўлган, деб хабар бермоқда BBC.
Вазирлик алоҳида таъкидлашича, Ғазонинг жанубида шу вақтгача 839 нафар қурбон қайд этилган. Исроил жанубдаги фаластинликларни шимолга кўчиришни талаб қилганди. БМТ эвакуацияни имконсиз деб атаган. ҲАМАС эса аҳолини уйларини тарк этмасликка чақирган.
Вазирлик маълумотларига кўра, 14 245 киши жароҳат олган.
Исроил Соғлиқни сақлаш вазирлигининг сўнгги маълумотларида мамлакатда ҳалок бўлганлар сони 1,4 мингдан ортиқ кишини ташкил этгани, 5,4 мингдан ортиқ одам жароҳатлангани ҳақида айтилади.
7 октябрь куни ҲАМАС Исроил ҳудудига ҳужум уюштирганидан сўнг, Исроил армияси икки ҳафтадан буён Ғазо секторини бомбардимон қилмоқда.
Изоҳ (0)