Saudiya Professional Ligasi. “An-Nassr” o‘z maydonida raqibi ustidan irodali g‘alabaga erishdi (video)

Futbol bo‘yicha Saudiya Arabistoni chempionatining 10-turida “An-Nassr” 21-oktyabr, shanba kuni “Damak” bilan bahs olib bordi.

Birinchi bo‘limning so‘ngida Nkudu “Damak”ni hisobda oldinga olib chiqdi.

Ikkinchi bo‘limda esa Ar-Riyod klubi muvozanatni tikladi. 52-daqiqada Taliska o‘z hisobiga gol yozdirib qo‘ydi. Oradan 4 daqiqa o‘tib, Ronaldu jarima zarbasidan gol urdi. Qolgan daqiqalarda darvozalar ishg‘ol etilmadi va “An-Nassr” 2:1 hisobida zafar quchdi.

“An-Nassr” ochkolari sonini 22 taga yetkazdi va 3-o‘ringa ko‘tarilib oldi.

Saudiya Professional Ligasi

10-tur bahsi

21-oktyabr, shanba

“An-Nassr” – “Damak” 2:1

Gollar: 0:1 – 45 Nkudu, 1:1 – 52 Taliska, 2:1 – 56 Ronaldu.

“An-Nassr”: Al-Najar, Bushal, Laport, Al-Amri, Telles, Otavio, Taliska, Fofana, Al-Haybari (Garib, 46), Mane, Ronaldu.

“Damak”: Zegba, Sanousi Muhammad (Solan, 69), Shafai, Bedran, Al Anazi, Antolich, Stanchu, Nkudu, Hamed, Al-Zein (Making, 81), Sisey (Harisi, 81).

Ogohlantirishlar: Al-Haybari (10), Hamed (50), Sisey (60).