APL. Mersisayd derbisida “Liverpul”ning qo‘li baland keldi (video)

Futbol bo‘yicha Angliya Premyer Ligasining 9-turida “Liverpul” 21-oktabr, shanba kuni “Everton”ga qarshi bahs olib bordi. 

Uchrashuvning 18 va 37-daqiqalarida sariq kartochkalar olgan “Everton” futbolchisi Eshli Yang maydondan chetlatildi. Qolgan daqiqalarni mehmonlar bir kishi kam bo‘lib o‘tkazdi.

75-daqiqada Muhammad Saloh penaltini aniq amalga oshirdi va hisobni ochdi. O‘yin so‘ngida Saloh dublni rasmiylashtirdi va Mersisayd derbisida “qizillar”ning qo‘li baland keldi.

Yurgen Klopp shogirdlari ushbu g‘alabadan so‘ng ochkolari sonini 20 taga yetkazdi va musobaqa peshqadamiga aylanib oldi. “Everton” esa 7 ochko bilan 16-pog‘onani band etgan.

APL

9-tur

21-oktabr, shanba

“Liverpul” — “Everton” 2:0

Gollar: 1:0 – 75 Saloh (penalti), 2:0 — 90+7 Saloh.

“Liverpul”: Alisson, Aleksander-Arnold, van Deyk, Konate (Matip, 67), Simikas (Nunyes, 62), Soboslai, Mak Allister, Gravenberx (Elliott, 62), Saloh, Diogu Jota, Dias (Gomes, 81).

“Everton”: Pikford, Yang, Tarkovski, Brentueyt, Mikolenko, Harrison (Kin, 46), Dukure, Garner, Onana (Danjuma, 80), Shermiti, Kelvert-Lyuin (Betu, 61), Maknil (Patterson, 46).

Ogohlantirishlar: Yang (18), Tarkovski (32), Konate (50).

Chetlatish: Yang (37).