Saudiya Arabistonining “Al-Hilol” jamoasi va uning muxlislari Neymarni qo‘llab-quvvatladi.
Saudiya Professional Ligasidan o‘rin olgan “Al-Holij”ga qarshi bahs (1:0) oldidan futbolchilar Neymarning libosini ko‘tarib suratga tushdi.
Muxlislar esa tribunada braziliyalik futbolchining surati tushirilgan bannerni ko‘tarib olgandi. Bannerda “Kuchliroq bo‘lib qayt” degan yozuv bor edi.
Neymar JCH—2026 saralashidan o‘rin olgan Urugvayga qarshi o‘yinda (0:2) jarohat olib, maydonni tark etgandi. Globo nashrining xabariga ko‘ra, futbolchi kamida 6 oyga safdan chiqdi.
Qayd etib o‘tish joiz, “Al-Hilol” 28-noyabr kuni OCHL doirasida “Navbahor”ga qarshi bahs olib boradi. Braziliyalik futbolchi ushbu o‘yinni ham o‘tkazib yuboradi. Eslatib o‘tamiz, jamoalar ishtirokidagi birinchi o‘yinda 1:1 hisobi qayd etilgandi.
Izoh (0)