Qatarning Doha shahrida Qatar Masters—2023 xalqaro turniri 11—20-oktabr kunlari bo‘lib o‘tdi.
Jahon tojdori Magnus Karlsen, reyting yetakchilari Xikaru Nakamura, Anish Giri singari dunyo shaxmat yulduzlari ishtirok etgan musobaqa bosh sovrini uchun o‘zbekistonlik ikki yosh grossmeyster Nodirbek Abdusattorov va Nodirbek Yoqubboyev o‘zaro tay-brek uchrashuvida dona surdi.
Boisi, so‘nggi 9-turdan so‘ng bu ikki shaxmatchi 7 tadan ochko jamg‘arib, turnir jadvalida qo‘shhokimlik o‘rnatgandi. Tay-brekning har ikki partiyasida Yoqubboyev g‘alaba qozonib, musobaqa chempioniga aylandi. Nodirbek Abdusattorov ikkinchi o‘rinni egalladi. Olti yarim ochko jamg‘argan Javohir Sindorov qo‘shimcha ko‘rsatkichlarga ko‘ra 4-o‘rinni band etdi.
Izoh (0)