Саудия Арабистонининг “Ал-Ҳилол” жамоаси ва унинг мухлислари Неймарни қўллаб-қувватлади.
Саудия Профессионал Лигасидан ўрин олган “Ал-Ҳолиж”га қарши баҳс (1:0) олдидан футболчилар Неймарнинг либосини кўтариб суратга тушди.
Мухлислар эса трибунада бразилиялик футболчининг сурати туширилган баннерни кўтариб олганди. Баннерда “Кучлироқ бўлиб қайт” деган ёзув бор эди.
Неймар ЖЧ—2026 саралашидан ўрин олган Уругвайга қарши ўйинда (0:2) жароҳат олиб, майдонни тарк этганди. Globo нашрининг хабарига кўра, футболчи камида 6 ойга сафдан чиқди.
Қайд этиб ўтиш жоиз, “Ал-Ҳилол” 28 ноябрь куни ОЧЛ доирасида “Навбаҳор”га қарши баҳс олиб боради. Бразилиялик футболчи ушбу ўйинни ҳам ўтказиб юборади. Эслатиб ўтамиз, жамоалар иштирокидаги биринчи ўйинда 1:1 ҳисоби қайд этилганди.
Изоҳ (0)