Samarqand viloyati Kattaqo‘rg‘on tumanida 27 yoshli ayol Rossiyada ishlovchi eri bilan janjallashishi oqibatida ikki nafar voyaga yetmagan qiz farzandlarini kaltaklab, uni tasvirga olib, eriga jo‘natgan. Viloyat IIB matbuot kotibi mazkur holat bo‘yicha jinoyat ishi qo‘zg‘atilganini ma’lum qildi.
Qayd etilishicha, holat 14-iyul kuni Kattaqo‘rg‘on tumani “Balandravot” MFYga qarashli Tuynak qishlog‘ida sodir bo‘lgan. Ayni damda Rossiyada bo‘lgan turmush o‘rtog‘i bilan telefon orqali muloqotda yuzaga kelgan kelishmovchilik sababli 27 yoshli Z.SH. ikki nafar voyaga yetmagan farzandlarini urib, holatni tasvirga olib, turmush o‘rtog‘iga yuborgan.
Holat yuzasidan Jinoyat kodeksining 110-moddasi (qiynash) 2-qismi bilan jinoyat ishi qo‘zg‘atilib, tergov harakatlari olib borilmoqda.
Qayd etilishicha, hozirda bolalarning ahvoli yaxshi. Ular onasidan olinib, qarindoshlari qaramog‘iga berilgan. Holat mutasaddilar nazoratiga olingan.
Farzandlarini qiynagan ayollar
Mart o‘rtalarida Samarqand viloyati Kattaqo‘rg‘on tumanida ayol eri bilan janjallashib qolgani sababli farzandini qiynagani to‘g‘risida xabar berilgandi. Viloyat IIB holat yuzasidan ayolga nisbatan jinoyat ishi qo‘zg‘atilganini ma’lum qilgan.
Iyun oyida bo‘lsa, ijtimoiy tarmoqlarda ona o‘z farzandini yig‘latib, eriga murojaat qilgani ko‘ringan video tarqaldi. Aytilishicha, ayol Andijon viloyatining Ulug‘nor tumanida yashaydi.
Izoh (2)
20 йил бериш керак
Onalikdan mahrum qilish kerak va bunaqa kasal onalarni davolash kerak