Hindistonda 92 yoshli ayol o‘qish va yozishni o‘rganish uchun maktabga bordi. Bu haqda India Today xabar berdi.
Uttar-Pradesh shtatidagi Bulandshahr qishlog‘ida yashovchi 92 yoshli Salima Xon ilk bor maktabga bordi. U nevaralari bilan darslarga qatnashdi. Xon hozirda o‘qish, yozish va hisoblashni o‘rgangan.
“Uning hikoyasi ilm olish uchun hech qachon kech emas, degan ishonchni tasdiqlaydi”, — dedi Ta’lim vazirligi xodimi Lakshmi Pandey.
Salima Xon 1931-yilda tug‘ilgan va 14 yoshida turmushga chiqqan. Ayol bir umr bilim olishni orzu qilgan, lekin bolaligida qishlog‘ida maktab bo‘lmagan.
O‘qituvchilar dastlab keksa ayolga dars berishni istamagan, biroq uning qat’iyati va bilimga tashnaligi ularning fikrini o‘zgartirgan. Salima Xonning aytishicha, avvallari nabiralari uni aldab, ko‘proq pul olgan, ammo endi u hisob-kitobni biladi. Salimaning ortidan uning qishlog‘idagi yana 25 nafar voyaga yetgan ayollar, jumladan, uning ikki kelini ham boshlang‘ich ta’lim olishga qaror qilgan.
Izoh (0)