O‘zbekistonda bir oyda davlat xaridlarini amalga oshirishda 15 ta qonunbuzilish holatiga yo‘l qo‘yilgani aniqlandi

Davlat xaridlari sohasida sentyabr oyida o‘tkazilgan monitoring va tahlil natijalari ma’lum qilindi.

Korrupsiyaga qarshi kurashish agentligi tomonidan o‘tkazilgan masofaviy monitoring tadbirlarida 2023-yil sentyabr oyida ayrim davlat buyurtmachilari 15 ta holatda jami 13,7 milliard so‘mlik davlat xaridlarini amalga oshirishda bir qator qonunbuzilish holatlariga yo‘l qo‘ygani aniqlandi. 

Xususan, “Davlat xaridlari to‘g‘risida”gi qonun hamda Vazirlar Mahkamasining “Davlat xaridlarini amalga oshirish bilan bog‘liq tartib-taomillarni tashkil etish va o‘tkazish tartibi to‘g‘risida”gi qarori bilan tasdiqlangan nizomning bir qator talablariga amal qilinmagan.   

Yuqoridagi holatlar yuzasidan agentlik tomonidan buyurtmachilarga taqdimnoma kiritilib, davlat xaridlari bo‘yicha xarid komissiyasining bayonnomalari bekor qilindi.