Toshkent shahri Sergeli tumanidagi “Quruvchilar” dahasida Inter Logistics MCHJga qarashli omborxonada 28-sentyabr kuni tunda kuchli portlash va yong‘in sodir bo‘lgandi. “Bugun.uz”ning yozishicha, portlash sodir bo‘lgan omborda kimyoviy vositalar saqlangan.
Aytilishicha, portlashga kimyoviy vositalarni saqlashda xavfsizlik qoidalari qo‘pol buzilishi sabab bo‘lgan. Birlamchi ma’lumotlarga ko‘ra, omborda xavfsizlik qoidalariga zid ravishda saqlangan kimyoviy vositalar o‘zaro reaksiyaga kirishgan. Buning oqibatida avval yong‘in kelib chiqqan, so‘ng kuchli portlash sodir bo‘lgan.
Mazkur holat yuzasidan IIV Tergov departamenti tomonidan Jinoyat kodeksining 259-moddasi (yong‘in xavfsizligi qoidalarini buzish) 2-qismi “a” va ”b” bandlari bilan jinoyat ishi qo‘zg‘atilgandi. IIV matbuot kotibining “Daryo”ga ma’lum qilishicha, ekspertiza javobi hali chiqmagan.
Sergeli tumanidagi kuchli portlash
Toshkent shahri Sergeli tumanidagi “Quruvchilar” dahasida Inter Logistics MCHJga qarashli omborxonada kuchli portlash va yong‘in 28-sentyabr kuni tunda sodir bo‘lgandi. Hodisa oqibatida jabrlanganlarning umumiy soni 163 kishini tashkil etdi, bir nafar o‘smir hodisa oqibatida vafot etdi.
Sodir bo‘lgan favqulodda hodisani o‘rganish, ko‘rilgan talafotlarni bartaraf etish va jabrlanganlarga yordam ko‘rsatish bo‘yicha prezident topshirig‘iga ko‘ra hukumat komissiyasi tuzildi. Unga ko‘ra, komissiya favqulodda holat oqibatida zarar yetkazilgan har bir uy-joyni, jumladan, aholi xonadonlari, ko‘p qavatli uy-joylarning fasad qismlari, deraza va romlari hamda ta’mirtalab ahvolga kelib qolgan boshqa bino va inshootlarga yetkazilgan zararlarni bartaraf etish bo‘yicha moddiy yordam ko‘rsatish choralarini ko‘radi.
Izoh (0)