Давлат харидлари соҳасида сентябр ойида ўтказилган мониторинг ва таҳлил натижалари маълум қилинди.
Коррупцияга қарши курашиш агентлиги томонидан ўтказилган масофавий мониторинг тадбирларида 2023 йил сентябр ойида айрим давлат буюртмачилари 15 та ҳолатда жами 13,7 миллиард сўмлик давлат харидларини амалга оширишда бир қатор қонунбузилиш ҳолатларига йўл қўйгани аниқланди.
Хусусан, “Давлат харидлари тўғрисида”ги қонун ҳамда Вазирлар Маҳкамасининг “Давлат харидларини амалга ошириш билан боғлиқ тартиб-таомилларни ташкил этиш ва ўтказиш тартиби тўғрисида”ги қарори билан тасдиқланган низомнинг бир қатор талабларига амал қилинмаган.
Юқоридаги ҳолатлар юзасидан агентлик томонидан буюртмачиларга тақдимнома киритилиб, давлат харидлари бўйича харид комиссиясининг баённомалари бекор қилинди.
Изоҳ (0)