16-sentabr kuni Yangi O‘zbekiston bog‘ida xalqaro va mahalliy ijodkorlar va minglab muxlislarni birlashtirgan Coke Studio Fest bo‘lib o‘tdi.
Coca-Cola tomonidan tashkil etilgan tadbir har bir ishtirokchi uchun bir umr esda qoladigan voqeaga aylandi. O‘zbekistonda kutilgan musiqa festivallaridan biri – Coke Studio Fest turli madaniyatlar va musiqiy janrlarni birlashtira olish qobiliyatini yana bir bor isbotladi.
Ma’lumot uchun: Coke Studio — turli janr va madaniyat qo‘shiqchilarini birlashtiruvchi platforma bo‘lib, birinchi marta u 2008-yilda Pokistonda ishga turishilgan va 2022-yilga kelib dunyo bo‘ylab g‘alabali yurishini boshlagan. Loyiha geografik joylashuvidan qatʼi nazar, barchaga yangi musiqani kashf qilish imkonini beradi.
Coke Studio Fest sahnasi turli musiqiy janr va uslublarni birlashtirdi va xalqaro va mahalliy musiqachilarni bir sahnaga to‘pladi. Festival mehmonlari Ruhsora Emm, Massa, Daler Ametist, Dalimjonov, Sabina Mustaeva, Dj Bella va Dj Indigon kabi san’atkorlarning mashhur qo‘shiqlarini kuylab, raqsga tushishdi. Xorijlik ijrochilar qatorida iste’dodli qo‘shiqchi Andro hamda Artik va Asti pop-guruhi sahnaga chiqib, bir onda festival ishtirokchilarning mehrini qozona oldi. Ularning chiqishlaridan so‘ng festival xedlayneri, jahon darajasidagi DJ, Grammy mukofoti sovrindori va Tomorrowland yulduzi Afrojack sahnaga chiqdi. Uning chiqishi tadbirning yorqin nuqtasiga aylandi. Ijrochining xitlari va xarizmaga to‘la musiqiy to‘plami tomoshabinlarning xursandchiligiga sabab bo‘ldi va barchada unutilmas musiqiy taassurot qoldirdi.
“Avvallari global maqsadim yo‘q edi. Endilikda men bunga ko‘proq e’tibor qaratyapman: doimiy ravishda jonli efirlarni tashkil qilyapman, ular davomida bolalarga musiqa, kattalarga DJ’lik mahorati va prodyuserlikni o‘rgatyapman. Men insonlarga bu sohaning qanday ishlashi, studiyada musiqit set qanday yaratilishi va sahnada aynan nimalar sodir bo‘lishi haqida ma’lumot berishni juda yaxshi ko‘raman. Kelajakda yosh ijodkorlar uchun yangi eshiklarni ochish maqsadida ushbu faoliyatimni yanada rivojlantirishni rejalashtirmoqdaman.
Agar siz o‘zbekistonlik DJ bo‘lsangiz, jonli efirlarga e’tibor qarating. Siz musiqangizni to‘g‘ridan-to‘g‘ri leyblga va u yerdan barcha manfaatdor tomonlarga yuborishingiz mumkin. Har doim harakat qilish va yangi narsalarni sinab ko‘rish juda ham muhim. Erkakmi, ayolmi, farqi yo‘q, odamlarni faqat musiqa qiziqtiradi. Qancha yildan buyon musiqa bilan shug‘ullanayotganingiz qiziq emas, navbatdagi trek tinglovchilarga yoqmasa, hech kim sizning sahnaga chiqishingizni tomosha qilish uchun kelmaydi”, — deb o‘z fikrlari bilan o‘rtoqlashdi Afrojack.
Coke Studio’ning o‘ziga xos jihati shundaki, loyiha O‘zbekistonning yosh va istiqbolli ijodkorlarini qo‘llab-quvvatlashni o‘z oldiga maqsad qilgan. Yosh ijrochilar Coca-Cola yordamida o‘z qo‘shiqlariga videoklip suratga olib, o‘z ijodini keng autiroiyaga taqdim etish, o‘zbek zamonaviy musiqasining o‘ziga xosligini dunyoga namoyish etish imkoniyatiga ega bo‘lishdi. Natijalarni YouTube’da Coca-Cola Uzbekistan kanalida tomosha qilish mumkin.
Alohida ta’kidlab o‘tish lozimki, Coke Studio Fest 2023 davomida volontyorlar ichimliklardan qolgan plastik idishlarni barchasini bir joyga to‘plashdi. Barcha plastik idishlar qayta ishlashga yuborildi va bu ularga yangi hayot bag‘ishladi. Festival mehmonlari atrof-muhitga g‘amxo‘rlik qilishga bag‘ishlangan “Waste to Art” art hududida rassom Elnur Egamov bilan birgalikda qayta ishlanadigan materiallardan art-obyektlarni yaratishdi va hatto oddiy buyumlar ham ilhom va go‘zallik manbaiga aylanishi mumkinligini amalda isbotlashdi.
Coca-Cola kompaniyasi va kompaniya tomonida qo‘llab-quvvatlanayotgan “Go Wasteless” loyihasi vakili maxsus stend yoniga tashrif buyurgan ishtirokchilarga chiqindilarni saralash va qayta ishlashning ahamiyati haqida ma’lumot berib o‘tishdi, plastmassadan bijuteriya buyumlari va aksessuarlar yasash bo‘yicha mahorat darslari o‘tkazishdi, shuningdek qayta ishlangan plastmassadan ko‘zoynak g‘iloflarini yasashdi. Chiqindilarni qayta ishlashning ahamiyati SanFa tomonidan qayta ishlangan plastmassadan yasalgan o‘rindiq orqali yaqqol namoyish etildi.
Festival olqishlar, yorqin tabassumlar va Toshkentga yana qaytib kelish va’dasi bilan yakunlandi. Coke Studio Fest barcha ishtirokchilar qalbida unutilmas iz qoldirdi va musiqiy uyg‘unlik va bayramona kayfiyatning yana bir yorqin namunasiga aylandi.
Coke Studio Fest – bu shunchaki oddiy festival emas, balki yoshlarni ilhomlantiruvchi keng ko‘lamli tadbir ekanligini yana bir bor isbotladi.
Reklama huquqi asosida.