Tadbir davomida O‘zbekiston televideniyesida ilk bor namoyish etilayotgan afsonaviy X-factor shousi haqida batafsil maʼlumot berildi. Tashkilotchilarning maʼlum qilishishicha, keng miqyosdagi vokal shousi 24-sentabr kuni start oladi.
Maʼlumot uchun, X-factor – dunyoga eng mashhur isteʼdodlar vokal shousi bo‘lib, ushbu formatni dunyoning ellikdan ortiq mamlakatlarida o‘tkaziladi. O‘zbekiston ushbu loyihani amalga oshirgan ellik sakkizinchi davlatga aylandi. Mazkur shou dunyo arenasida allaqachon o‘z o‘rnini egallab ulgurgan va yorqin isteʼdodlarni kashf etish hamda yangi yulduzlarni ommaga olib chiqish orqali o‘zini mustahkam namoyon eta olgan loyihadir.
Loyiha dunyoning 55 dan ortiq davlatini qamrab olgan va yangi isteʼdodlarni kashf etish va jahon yulduzlarini yaratish uchun haqiqiy maydonga aylangan. O‘zbekiston ham ushbu global musiqiy to‘lqindan chetda qolmadi va X-factor global formatini mahalliy bozorga moslashtirish uchun rasmiy huquqlarga ega bo‘ldi. Ushbu huquqlar UzReport axborot agentligi tarkibiga kiruvchi FTV telekanaliga tegishli. Demak, O‘zbekiston tomoshabinlari mamlakatimiz musiqa sanʼatining yangi qirralarini ochadigan o‘ziga xos musiqiy voqea guvohiga aylanishadi.
X-factorʼning O‘zbekistonda namoyish etilishiga tayyorgarlikning asosiy bosqichlaridan biri sifatida beshta yirik shahar: Samarqand, Namangan, Buxoro, Xorazm va Toshkentda kastinglar bo‘lib o‘tdi. Ularda millionlab teletomoshabinlar oldida o‘zlarining vokal isteʼdodini namoyish etishni istagan 6 mingga yaqin odam ishtirok etdi. Bir necha bosqichlardan tashkil topgan tanlovdan so‘ng bor-yo‘g‘i 12 nafar ishtirokchi saralab olindi va endilikda ular O‘zbekistonning eng yaxshi ijrochisi nomi uchun kurashni davom ettiradi.
Ushbu qiziqarli musiqiy loyiha g‘olibi nafaqat mamlakatning eng yaxshi ijrochisi unvoniga, balki pul mukofoti, axborot yordami va qo‘shiqlarining FTV kanalida namoyish etilishiga erishadi. Yaʼni, X-factor nafaqat g‘olib uchun start maydonchasi, balki musiqa olamida muvaffaqiyatga erishish uchun haqiqiy tramplinga aylanadi.
X-factor tanlovida o‘zbek estradasining yorqin, isteʼdodli vakillari Lola Yo‘ldosheva, Ravshan Komilov, Ibrohim Ahmedov, Jasmin hakamlik vazifasini bajaradi.
Shunday qilib, X-factorʼning O‘zbekistondagi birinchi mavsumi nafaqat mamlakat musiqa industriyasidagi muhim voqeaga aylanadi, balki yosh va iqtidorli vokalchilar uchun millionlab tomoshabinlar oldida o‘z sanʼatini namoyish etish uchun noyob imkoniyatlarni taqdim etadi.
24-sentabrdan boshlab, FTV telekanalida katta premyerani o‘tkazib yubormang! Hayajonli lahzalar, ajoyib chiqishlar va yorqin taassurotlarga boy tarzda o‘tadigan X-factor shousini tomosha qiling.
Reklama huquqi asosida.