Сўнгги йилларда мамлакатимиз иқтисодиётида эришилган ютуқлар, давлат томонидан амалга оширилган ислоҳотлар ва очиқлик сиёсатининг натижасидир. Маҳаллий банк тизимининг асосий иштирокчиларидан бири ҳисобланган “Асакабанк” АЖ ҳам ушбу ислоҳотларга фаол иштирок этиб, молиявий институт сифатида Ўзбекистоннинг иқтисодий ривожланишига ўз ҳиссасини қўшиб келмоқда.
Банк 27 йиллик фаолияти давомида кўплаб халқаро молиявий институтлар ва банклар билан ҳамкорлик йўлга қўйиш билан бир қаторда халқаро рейтинг агентликлари билан ҳам самарали ишлаб келмоқда.
Ушбу агентликлардан бири бўлган Moody’s халқаро рейтинг агентлиги Асакабанк билан 2008 йилдан буён самарали ҳамкорликни йўлга қўйиб, банклар кредит рейтингларини йиллик қайта кўриб чиқиш доирасида Асакабанкнинг узоқ муддатли банк депозитлари рейтингини “B1” дан “Bа3” га ва базавий кредит рейтингини “B3” дан “B2” га ошириш ҳақида хулоса берди, бу еса ўз ўрнида “Асакабанк” АЖнинг инвестицион салоҳияти ошишига асосий омиллардан бири бўлиб хизмат қилади.
Мазкур рейтинг оширилиши банкнинг молиявий кўрсаткичларини доимий равишда яхшилаб борилиши, банк рентабеллигини ошириш, муаммоли кредитлар улушини камайтириш ва капиталнинг юқори етарлилик даражасини сақлаб туриш бўйича олиб борилаётган доимий саъй-ҳаракатларидан далолат беради, ҳамда Асакабанкнинг маҳаллий бозордаги ҳиссаси 10% дан ортиқ улушига тўғри келиши, банкнинг ички бозорда алоҳида мавқеига эгалигининг яққол мисолидир.
Бундан ташқари, кредит рейтингининг янгиланиб бориши мамлакатда амалга оширилаётган иқтисодий ислоҳотларнинг самарали амалга оширилаётганлигининг далилидир.
Маълумот ўрнида: Moody’s халқаро миқёсда тан олинган рейтинг агентликларидан бири бўлиб, 1909 йилда қўшма штатларда ташкил етилган. Агентлик йирик банклар, компаниялар, корпорацияларга кредит рейтингларини, шунингдек давлатларга суверен рейтингларни бериш билан шуғилланади.
Реклама ҳуқуқи асосида.
Изоҳ (0)