Ijtimoiy tarmoqlarda Farg‘ona viloyatining Marg‘ilon shahrida bir yigit qizni majburlab mashinaga solib, olib ketmoqchi bo‘lgani aks etgan video tarqalgan edi. Viloyat IIB holat yuzasidan batafsil maʼlumot berdi.
Unga ko‘ra, Marg‘ilon shahar Ichki ishlar bo‘limi tomonidan o‘tkazilgan surishtiruv natijasida mazkur holat shahar “Tuyagul” MFY hududida 11-sentabr kuni soat 11:07 atrofida sodir bo‘lgani aniqlandi. Tasvirda ko‘ringan qizni olib qochishga uringan yigit Marg‘ilon shahrida 2002-yilda tug‘ilgan fuqaro ekani aniqlandi.
“Yo‘lda o‘qishga ketayotganini ko‘rib qoldim. Gaplashib olaylik, deb yoniga bordim. Urishib ketdi. Keyin mashinaga chiqaraman, gaplashib olamiz, dedim. Qilgan ishimdan pushaymonman. Qaytib bu xatoni qilmayman”, — deydi yigit.
O‘zaro tanish bo‘lgan yigit va qizning kelishmovchiligi ortidan kelib chiqqan holat muhokamalarga sabab bo‘ldi. Mazkur holat yuzasidan shahar IIB tomonidan maʼmuriy tartibda hujjatlar rasmiylashtirildi. Holat viloyat IIB tomonida nazoratga olindi.
Izoh (0)