Ijtimoiy tarmoqlarda Namanganda “GAZ-53” avtomobillaridan iborat to‘y korteji harakatlanayotgani aks etgan video tarqaldi.
“Daryo” muxbirining aniqlik kiritishicha, ushbu videoda joriy yil 1-sentabr kuni Uchqo‘rg‘on tumanidagi “Qurama” mahallasida nishonlanayotgan to‘yga ketayotgan 10 ta “GAZ-53” avtomobilidan iborat kortej aks etgan.
![](https://manager.daryo.uz/static/2023/%D0%90%D0%B7%D0%B8%D0%B7%D0%B1%D0%B5%D0%BA/photo_2023-09-05_22-05-44.jpg?_t=1693933887)
Foto: Jahongir Akramov
23 yoshni qarshilagan kuyovning o‘zi ham “GAZ-53” haydovchisi bo‘lgani sababli hamkasblari to‘yga qimmatbaho avtomobillarda emas, o‘zlarining boshqaruvlaridagi mashinalarni bezatgan holatda borishni maʼqul ko‘rishgan.
![](https://manager.daryo.uz/static/2023/%D0%90%D0%B7%D0%B8%D0%B7%D0%B1%D0%B5%D0%BA/photo_2023-09-05_21-10-49.jpg?_t=1693933887)
Foto: Jahongir Akramov
Videoda kuyovnavkarlar kortejdan so‘ng mahalladagi o‘yingoh hududida avtomobillarni aylana shaklida terib, raqsga tushayotganini ham ko‘rish mumkin.
![](https://manager.daryo.uz/static/2023/%D0%90%D0%B7%D0%B8%D0%B7%D0%B1%D0%B5%D0%BA/photo_2023-09-05_21-10-48.jpg?_t=1693933887)
Foto: Jahongir Akramov
Ushbu video tarqalganidan so‘ng yo‘l harakati xavfsizligi xodimlari to‘y marosimida ishtirok etgan “GAZ-53” haydovchilariga jarima ham qo‘llagani aytilmoqda.