Yevropa Ittifoqi Ukrainaga 2024—2027-yillarda yiliga 5 milliard yevro miqdorida harbiy yordam ajratadigan fond yaratmoqchi.
Bu haqda Yevropa Ittifoqi diplomatiyasi rahbari Josep Borrel Ispaniyaning Toledo shahrida hamjamiyat mamlakatlari mudofaa vazirlarining norasmiy uchrashuvi yakunlari bo‘yicha o‘tkazilgan matbuot anjumanida aytib o‘tdi.
“Men 2024-yildan 2027-yilgacha Yevropa tinchlik jamg‘armasi doirasida ishlaydigan jamg‘arma yaratishni taklif qildim. Bu bizning Ukrainani qo‘llab-quvvatlashimizning asosiy elementi bo‘lishi kerak. Jamg‘arma doirasida biz har yili Ukrainaga 5 milliard yevro ajratamiz”, — dedi u.
Avvalroq Yevropa Ittifoqi davlatlari tashqi ishlar vazirlari Yevropa tinchlik fondi jamg‘armasini 3,5 milliard yevroga oshirishni ma’qullagani xabar qilingandi.
Izoh (0)