O‘zbekistonda shifokor va hamshiralar o‘rtacha qancha oylik oladi?

O‘zA O‘zbekistondagi shifokor va hamshiralarning oylik maoshlari haqida ma’lumot berdi.

 

 

Unga ko‘ra, oliy toifali tibbiy brigada hamshirasining o‘rtacha maoshi 2,5 million so‘m, ustamalar bilan 5 million so‘m. Oliy toifali operatsiya hamshirasining o‘rtacha oylik ish haqi esa 3 million so‘m, ustamalar bilan 6,7 million so‘m.

Oliygohni yangi bitirgan salohiyatli oilaviy shifokor ish haqi 2,7 million so‘m, ustamalar bilan 5,4 million so‘m. Ilmiy darajasi bo‘lganda 6,2 million so‘m, yangi ish boshlagani uchun qo‘shimchasi bilan esa 7,2 million so‘mni tashkil etadi.

Agar ushbu darajadagi shifokor olis va chekka hududlarga borib ishlasa 9,2 million so‘m oladi.

Oliy toifali jarroh shifokorning o‘rtacha maoshi 4,7 million so‘m. Yuqori texnologiyali operatsiyalar amalga oshirganda 5,9 million so‘m, ustamalar bilan 9,4 million so‘m, ilmiy darajasi bo‘lsa 12,3 million so‘m maosh oladi.

Oilaviy shifokorlik punktida ishlovchi oliy toifali shifokor o‘rtacha 4,9 million so‘m maosh oladi. Ustamalar bilan 9,8 million so‘m, ilmiy darajasi bo‘lsa 12,7 million so‘m oladi.

Agar ushbu darajadagi shifokor olis va chekka hududlarga borib ishlasa 14,7 million so‘m oladi.