Florida shtatida seshanba kuni shtat qirg‘oqlarida sodir bo‘lgan “Idaliya” to‘foni tufayli 161 mingdan ortiq odam elektrsiz qoldi.
Bir kun avval Amerikaning to‘fonlarni kuzatish markazi to‘fon Florida qirg‘oqlariga yaqinlashayotgani haqida xabar bergan edi. Mutaxassislarning fikricha, tabiiy ofat soatiga 30 kilometr tezlikda harakat qilmoqda.
Power Outage ixtisoslashtirilgan xizmati maʼlumotlariga ko‘ra, Amerikaning janubi-sharqidagi shtatning 161 mingdan ortiq aholisi elektr taʼminotisiz qolgan. Avvalroq OAVlar to‘fonga tayyorgarlik ko‘rish maqsadida AQSH harbiy-dengiz kuchlari Floridadan samolyot va kemalarni evakuatsiya qilayotgani haqida xabar bergan edi.
Kecha “Idaliya” Kubaga yopirilgandi. U yerda ham kuchli shamol tufayli g‘arbiy provinsiya aholisining 60 foizi elektr taʼminotisiz qoldi. Hududda jami 570 mingdan ortiq aholi istiqomat qiladi.
Izoh (0)