O‘zbekiston hududiga 26—28-avgust kunlari nam va salqin havo massalari kirib keladi, deb xabar bermoqda “O‘zgidromet” direktori.
Respublika hududi bo‘yicha 26—27-avgustda shamol tezligi 17-22 metr/sekundgacha kuchayishi kutilmoqda, baʼzi joylarda 23-25 metr/sekundgacha kuchayishi, ayrim joylarda chang-to‘zonlar bilan kuzatilishi mumkin.
27—28-avgust kunlari kunduzi havo harorati 23-28 darajagacha pasayadi.
26-avgustda respublika shimolida va cho‘l hududlarda, 27—28-avgustda qolgan hududlarda vaqti-vaqti bilan yomg‘ir yog‘adi, momaqaldiroq bo‘lishi mumkin. Tog‘oldi va tog‘li hududlarda yomg‘ir baʼzi joylarda kuchli bo‘ladi.
Kutilayotgan kuchli yomg‘irlar yog‘ishi hisobiga respublikaning tog‘oldi va tog‘li hududlarida 27—29-avgust kunlari sel-suv toshqini yuzaga kelishi mumkin.
“Tog‘oldi va tog‘li hududlarda istiqomat qiluvchi fuqarolarni, dam oluvchilarni hamda tog‘li hududlarda harakatlanuvchi haydovchilarni ehtiyotkorlik choralarini ko‘rishlarini so‘raymiz”, — deb ogohlantirdi “O‘zgidromet” direktori.
Izoh (0)