Toshkent imtihon markazi narxlarni 50 foizga oshirdi. Bunga valyuta kursining keskin o‘zgarishi sabab qilib ko‘rsatilgan

Haydovchilik guvohnomasini olish uchun imtihon topshirish bo‘yicha Toshkent shahridagi yagona markaz — Yagona imtihon markazi 1-apreldan boshlab nazariy va amaliy test sinovlaridan o‘tish narxi oshishini e’lon qildi.

Qayd etilishicha, narxlar “yuqori sifat va xizmat ko‘rsatish darajasini saqlab qolish uchun” markaz ochilgan paytda belgilangan 100 ming so‘mdan 150 ming so‘mga (50 foizga) oshgan. Bunga “asosiy hamkor mamlakatlardagi beqaror iqtisodiy vaziyat, mamlakatda inflyatsiyaning tezlashishiga sezilarli ta’sir ko‘rsatayotgan valyuta kursining keskin o‘zgarishi” sabab qilib ko‘rsatilgan.

Avvalroq Qonunchilik palatasi deputati Rasul Kusherbayev o‘z Telegram kanali orqali davlat imtihon olish markazlari prezident qaroriga zid ravishda yopilayotganini tanqid qilib, bu bo‘yicha Monopoliyaga qarshi kurashish qo‘mitasiga “deputatlik so‘rovi” yuborganini ma’lum qilgandi. Qo‘mitaning javobiga ko‘ra, prezidentning 2020-yil 7-dekabrdagi “Davlat tomonidan tartibga solinadigan sohalarga xususiy sektorni jalb etish bo‘yicha qo‘shimcha chora-tadbirlar to‘g‘risida”gi qarorida hududlarda davlat funksiyalari o‘tkazilayotgan sohalarda yetarli miqdorda xususiy sektor subyektlari tashkil etilguniga qadar mazkur funksiyalarning davlat organlari va tashkilotlari tomonidan ham amalga oshirilishi ko‘rsatib o‘tilgan.

Shunga qaramay, hozirgi kunda respublikaning ba’zi hududlarida (Qashqadaryo viloyatida 2 ta, Surxondaryo viloyatida 3 ta hamda Toshkent viloyatida 6 ta) Ichki ishlar vazirligi tizimidagi Davlat yo‘l harakati xavfsizligi xizmatining nazariy va amaliy imtihonlarni o‘tkazish markazlarining faoliyati ushbu sohada yetarli miqdorda xususiy sektor subyektlari tashkil etilmay turib, prezident qarori talablariga zid ravishda to‘xtatilgan. Demak, bitta tadbirkorlik subyektining tezroq ‘soqqa ishlashi’ga imkoniyat berish uchun shoshib-pishib boshqa davlat imtixon markazlarini yopish orqali prezident qarori talablari ham buzilgan

Endi savol: Qaror talablarini bunday talqin qilish va buzish kimga, nima uchun kerak bo‘ldi?”, — deydi Kusherbayev.

Aslida soqqa qilish gunoh ham, jinoyat ham emas. Uni qanday qilish muhim. Balki, sizga eski korrupsiyalashgan tizim ko‘proq yoqar. Saylovchilar, tayinlovchilar sizga murojaat qilishsa, darrov qilich ko‘tarib ketmay, ularni ko‘proq o‘qishga, bilim olishga chaqirsangiz, bugungi siyosatning asl yordamchisi bo‘lasiz deb o‘ylayman”, — deb yozgan Allamjonov va agar vaqti bo‘lsa, Kusherbayevni markazni kelib ko‘rishga taklif etgan.