Amerikaning Apple kompaniyasi foydalanuvchilarni quvvatlanayotgan iPhone yonida uxlash xavfi haqida ogohlantirdi. Bu haqda Mirror xabar berdi.
Manbaga ko‘ra, zaryadlangan telefon yonib ketishi va odamni tok urishi mumkin. Bu shikastlanishga, smartfon yoki xonadagi boshqa mulkka zarar keltiradi. Shu sababli Apple telefonlarni faqat yaxshi shamollatiladigan joylarda quvvatlantirishni maslahat beradi.
Bundan tashqari, uyqu vaqtida telefonni ko‘rpa, yostiq osti yoki tanaga qo‘yish ham xavf tug‘dirishi mumkin. Agar foydalanuvchi original bo‘lmagan zaryadlovchi qurilmalardan foydalansa, yong‘in xavfi ortadi, chunki ular ko‘pincha Apple standartlariga javob bermaydi.
Izoh (0)