Sirdaryo shahrida faoliyat yurituvchi mebel korxonasi rahbari ishchi yollab, Toshkentda ikkita chinorni kestirdi. Bu haqda Ekologiya, atrof-muhitni muhofaza qilish va iqlim o‘zgarishi vazirligi xabar berdi.
Ma’lum qilinishicha, Yunusobod tumani 7-mavzesi, “Astrobod” MFY hududida Sirdaryo viloyati, Sirdaryo shahrida faoliyat yurituvchi mebel ishlab chiqarishga ixtisoslashgan MCHJ rahbari ikki nafar ishchi yollab, ikki dona chinor daraxtini kestirgan.
Buning oqibatida tabiatga 204 million 105 ming so‘m zarar yetkazilgan.
Tegishli hujjatlar holatga huquqiy baho berish va kerakli chora-tadbirlarni ko‘rish maqsadida huquqni muhofaza qilish organlariga yuborilgan.
Ma’lumot uchun, davlat o‘rmon fondiga kirmaydigan daraxtlar va butalar qimmatbaho navlarining kesilishiga moratoriyning amal qilishi muddatsiz davrga uzaytirilgan.
Izoh (0)