“Ан-Насср” Роналдунинг дубли эвазига “Ал-Ҳилол”ни мағлуб этиб, араб клублари ўртасидаги Чемпионлар Кубоги ғолибига айланди

Футбол бўйича араб клублари ўртасидаги Чемпионлар Кубоги баҳсининг финалида “Ан-Насср” “Ал-Ҳилол” жамоасига қарши баҳс олиб борди.

Учрашувнинг биринчи бўлимида дарвозалар ишғол этилмади. Иккинчи бўлимда эса “Ал-Ҳилол” ҳисобни очди. 51-дақиқада Майкл ўз ҳисобига гол ёздириб қўйди. 74-дақиқада эса Роналду мувозанатни тиклади. Асосий бўлимларда дуранг натижа қайд этилгач, жамоалар қўшимча бўлимларга йўл олди.

Қўшимча бўлимларда эса португалиялик футболчи яна бир бор рақиб дарвозасини ишғол қилди ва жамоаси ғалабасини таъминлади. 

Шу тариқа “Ан-Насср” араб клублари ўртасидаги Чемпионлар Кубогида зафар қучди.

Чемпионлар Кубоги

Финал

12 август, шанба

“Ал-Ҳилол” – “Ан-Насср” 1:2

Голлар: 1:0 – Майкл (51), 1:1 – Роналду (74), 1:2 – Роналду (98).

“Ал-Ҳилол”: Ал-Овайс, Абделҳамид, Кулибали (Жафали, 83), Ал-Булайхи, Ал-Шаҳрани (Ал-Бурайк, 83), Канно, Невеш, Майкл (Ал-Ҳамдан, 91), Ал-Досари, Милинкович-Савич, Малком.

“Ан-Насср”: Ал-Акиди, Ал-Ганам, Лажами (Ал-Фотил, 80), Ал-Амри, Алекс Теллес, Ал-Ҳайбари (Koнaн, 80), Марсело Брозович, Секо Фофана, Талиска (Гариб, 91), Садио Мане, Криштиану Роналду.

Четлатиш: Ал-Амри (71).