“PSJ” Kilian Mbappening xulqidan va uning “Real”ga o‘tishi mumkinligidan norozi bo‘lmoqda.
Eslatib o‘tamiz, fransiyalik hujumchi parijliklar bilan 2024-yilda o‘z nihoyasiga yetadigan shartnomasini yangilashni istamayapti. Kilianga Madridning “Real” jamoasi jiddiy qiziqish bildirmoqda.
Parijliklarga 24 yoshli futbolchi o‘zini jamoa loyihasining bir qismi deb hisoblamay qo‘ygani yoqmayapti. Shu bilan birga boshqa klublardan kelayotgan takliflar hamda Parij klubi bilan shartnomani uzaytirish variantlarini rad etmoqda.
Kilian avvalroq klubdan tekinga ketmaslik va’dasini berib, endi 2024-yilda erkin agent sifatida klubni tark etishga qaror qilgan.
Parijliklar rahbariyati Mbappening pozitsiyasini tushunmayapti. Ular Mbappe allaqachon “Real” bilan kelishuvga erishgan deb hisoblamoqda. Parij klubi futbolchining “qaymoqranglilar” safiga o‘tishi YCHLdagi asosiy raqibini kuchaytirishga hissa qo‘shish bo‘lib qolishini sezib turibdi.
Shu sababli rahbariyat FIFAga rasmiy shikoyat yuborishni rejalashtirmoqda. Kilian shartnomani uzaytirish borasidagi shaxsiy suhbatlardan tashqari sakkizta intervyusida klubga zarar keltirmasdan, tekinga ketmasligini aytib kelgan, endi esa o‘z fikrini o‘zgartirgan.
Avvalroq, Fransiya prezidenti Emmanuel Makron futbolchini “PSJ”da qolishga ko‘ndirishga urinib ko‘rmoqchiligi xabar qilingandi.
Mbappe o‘tgan mavsum “PSJ” safida Fransiya chempionligini qo‘lga kiritdi va 29 ta gol bilan turnir to‘purariga aylandi.
Izoh (0)