31-iyul kuni ertalab rus qo‘shinlari Ukrainaning Krivoy Rog shahriga raketa hujumini boshladi. Bu haqda Ukraina ichki ishlar vaziri Igor Klimenko ma’lum qildi.
Vazir raketalardan biri to‘rt qavatli ta’lim muassasasi binosiga kelib tushganini aytdi. Vayronalar ko‘zdan kechirilmoqda, uning ostida odamlar qolgan bo‘lishi mumkin.
Ukraina prezidenti Vladimir Zelenskiyning aniqlik kiritishicha, universitet o‘quv binosi o‘qqa tutilgan.
Ikkinchi raketa ko‘pqavatli uyga tegib, to‘rtinchi qavatdan to‘qqizinchi qavatgacha bo‘lgan kvartiralarni vayron qilgan va yong‘inga sabab bo‘lgan.
Dastlabki ma’lumotlarga ko‘ra, ikki kishi halok bo‘lgan, yana 20 kishi yaralangan. Klimenkoning qo‘shimcha qilishicha, vayronalar ostida hali ham odamlar bo‘lishi mumkin.
31-iyulga o‘tar kechasi va ertalab rus qo‘shinlari Xarkov va Xersonni ham o‘qqa tutdi. Xerson viloyati maʼmuriyati rahbari Aleksandr Prokudinning maʼlum qilishicha, Rossiya Xerson markazini “Grad” yoppasiga o‘t ochuvchi tizimlaridan o‘qqa tutgan. Otishma oqibatida kommunal korxonaning ikki xodimi jarohatlangan.
Rossiya qo‘shinlari Xarkovga S-300 raketalarini otdi, dedi viloyat prokuraturasi matbuot kotibi Dmitriy Chubenko. Savdo korxonalaridan biridagi ombor qo‘riqchisi jabrlangan.
Izoh (0)