Xorazm viloyati Xiva shahrida joylashgan bozorda ham yirik yong‘in chiqdi. FVV holat yuzasidan dastlabki ma’lumotlarni e’lon qildi.
Unga ko‘ra, 24-iyul kuni soat 17:42 da Xorazm viloyati Xiva shahar “Sangar” MFY Elobod ko‘chasida joylashgan “Xiva buyum bozori” hududidagi kiyim-kechak hamda oziq-ovqat do‘konlarida yong‘in sodir bo‘layotgani to‘g‘risida FVBga xabar tushgan. 12 ta yong‘in-qutqaruv ekipaji 17:50 da yetib borib, yong‘in o‘rab olingan va hozirda bartaraf etish ishlari olib borilmoqda. Vaziyat nazoratga olingan.
Yong‘in oqibatida fuqarolarning kuyish, tan jarohati olish va halok bo‘lish holatlari qayd etilmadi. Voqea joyiga viloyat hamda tuman FVB rahbar xodimlari yetib borgan.
Izoh (0)