Qashqadaryo viloyati hokimi Murotjon Azimov boshchiligidagi delegatsiya davlat rahbari topshirig‘i bilan Xitoyda savdo-iqtisodiy, ijtimoiy va turizm sohasida hamkorlikni kuchaytirish maqsadida xizmat safarida bo‘lib turibdi. Bu haqda viloyat hokimligi matbuot xizmati xabar berdi.
Qayd etilishicha, yirik kompaniyalar va ikki hudud tadbirkorlari bilan muzokaralar davomida Qarshi shahriga 100 dona zamonaviy jamoat transporti olib kelishga erishilgan.
Prezident Shavkat Mirziyoyev o‘zining Oliy Majlis va O‘zbekiston xalqiga yo‘llagan murojaatnomasida jamoat transporti mutlaqo o‘zgarishi haqida aytgan edi. Shundan so‘ng aprel oyida Toshkentga Xitoydan 268 ta avtobus va elektrobuslar olib kelindi.
May oyida Buxoroga yangi 100 ta avtobus va mikroavtobus, iyul boshida Sirdaryo viloyatiga esa 160 ta yangi avtobus olib kelinishi ma’lum bo‘ldi. Avvalroq “Toshshahartransxizmat”ga yo‘lovchilarni tashishda ko‘riladigan zararlarni qoplash uchun 18 milliard so‘m ajratilgani, Toshkentdagi 32 ta avtobus yo‘nalishida “kunlik plan” bekor qilingani haqida xabar berilgan edi.
Izoh (0)