AQSHning sobiq prezidenti Donald Tramp Isroil Milliy xazinasi kolleksiyasiga kiruvchi qadimiy keramika moyli lampalarni Isroilga qaytarishga rozi bo‘ldi, deb yozadi Wall Street Journal.
Yaqinda Isroil qadimiy ashyolar boshqarmasi Milliy xazina kolleksiyasiga kiruvchi ashyolarni qaytarish bo‘yicha kampaniya boshlaganini e'lon qilgandi.
Nashrning yozishicha, lampalar AQSHga 2019-yilda, Isroilni qo‘llab-quvvatlagani uchun minnatdorchilik sifatida Trampga sovg‘a qilish maqsadida yetkazilgan.
Biroq, keyinchalik ularni bir necha hafta davomida Oq uyda ko‘rgazmaga qo‘yish va keyin Isroilga qaytarishga qaror qilindi.
2021-yilda koronavirus epidemiyasi avj olgani sababli, artefaktlarni qaytarish kechiktirildi. Qayd etilishicha, bu vaqt mobaynida Tramp lampalarga egalik qilmagan, balki “vaqtincha ularning qo‘riqchisi vazifasini bajargan”.
“Buyumlar dastlab mo‘ljallanganidek ko‘rgazmaga qo‘yilganligi sababli, ularni tegishli tashkilot vakiliga qaytarish tezlashtiriladi”, — dedi Trampning matbuot kotibi.
Izoh (0)