“Tramp prezident etib saylansa, AQSH NATOdan chiqib ketishi mumkin” — Pentagonning sobiq rahbari

AQSH qanday holatda NATO tarkibidan chiqishi mumkinligi haqida ma’lum qilindi.

Donald Tramp prezidentlik saylovlarida g‘alaba qozonsa, Amerika Qo‘shma Shtatlari NATOdan chiqib ketishi mumkin, dedi Pentagonning sobiq rahbari Mark Esper TVBS telekanaliga bergan intervyusida.

“Tramp oxir-oqibat NATOdan chiqib ketishi, Amerika qo‘shinlarini Koreya yoki Yaponiyadan olib chiqishi va Tayvan bilan munosabatlarni susaytirishi mumkinligidan qo‘rqaman”, — dedi u.

Siyosatchining qo‘shimcha qilishicha, u Trampning nomzodini prezidentlik uchun munosib deb hisoblamaydi.

Donald Tramp avvalroq alyans faoliyatidan noroziligini bildirib, agar yevropalik hamkorlar o‘z xavfsizligi uchun kattaroq moliyaviy javobgarlikni o‘z zimmasiga olmasa, AQSH tashkilotdan chiqib ketishi bilan tahdid qilgan edi.