АҚШнинг собиқ президенти Дональд Трамп Исроил Миллий хазинаси коллекциясига кирувчи қадимий керамика мойли лампаларни Исроилга қайтаришга рози бўлди, деб ёзади Wall Street Journal.
Яқинда Исроил қадимий ашёлар бошқармаси Миллий хазина коллекциясига кирувчи ашёларни қайтариш бўйича кампания бошлаганини эълон қилганди.
Нашрнинг ёзишича, лампалар АҚШга 2019 йилда, Исроилни қўллаб-қувватлагани учун миннатдорчилик сифатида Трампга совға қилиш мақсадида етказилган.
Бироқ, кейинчалик уларни бир неча ҳафта давомида Оқ уйда кўргазмага қўйиш ва кейин Исроилга қайтаришга қарор қилинди.
2021 йилда коронавирус эпидемияси авж олгани сабабли, артефактларни қайтариш кечиктирилди. Қайд этилишича, бу вақт мобайнида Трамп лампаларга эгалик қилмаган, балки “вақтинча уларнинг қўриқчиси вазифасини бажарган”.
“Буюмлар дастлаб мўлжалланганидек кўргазмага қўйилганлиги сабабли, уларни тегишли ташкилот вакилига қайтариш тезлаштирилади”, — деди Трампнинг матбуот котиби.
Изоҳ (0)