Muxlislar taniqli juftliklarning shaxsiy hayotini kuzatishni yaxshi ko‘radi. Biroq hamma ham o‘z kumirlarining sevgi hikoyasi qanday boshlanganini bilmaydi yoki eslay olmaydi. Quyida mashhurlar o‘z sevgilisining qalbini qanday qilib zabt etgani haqida ma’lumot beriladi.
Tom Holland
Tom Holland muxlislarini xursand qilish uchun Zendaya bilan munosabatlari haqida jamoatchilikka ko‘proq gapira boshladi. Juftlik 2016-yilda “O‘rgimchak odam: Uyga qaytish” filmining suratga olish jarayonida tanishgan. Yaqindan tanishish va munosabatlarni boshlash uchun birga vaqt o‘tkazish yetarli emas edi. Holland yaqinda bergan intervyularining birida Zendayaning qalbini zabt etishga nima yordam bergani haqida so‘zlab berdi.
Aktyor shunchaki Zendayaning uyidagi eshikni tuzatib bergan. Ma’lum bo‘lishicha, Tom barcha hunarlarni yaxshi biladi. Aktyor osongina mebellarni yig‘adi va ta’mirlay oladi, uyni jihozlaydi.
“U bilan munosabatimiz boshlangan kunlarning men uning eshigini tuzatib berdim. Zendayaning uyida vaqt o‘tkazdim va uning uyidagi eshik buzilib qoldi. Unga men bu eshikni tuzatishimni aytdim. Keyin biz bir-birimizni sevib qoldik”, — deydi Holland.
Nik Jonas
Ba’zida insonning baxti yonida bo‘ladi va uni ushlab qolish uchun bir marta imkon beriladi. Masalan, Nik Jonas Priyanka Choprani uchrashuvga chiqishga ko‘ndirish uchun ko‘p kuch sarflashi shart emas edi. Ular dastlab bir-birlarini sevib qolishgan, faqatgina kimdir birinchi qadamni qo‘yishi kerak edi. Nik Priyankaga yozishmalar orqali munosabatlarini mustahkamlashga harakat qilishni taklif qildi.
“Aslida birinchi qadamni men qo‘yganim yo‘q, bu ishni u qilgan. Nik menga yozgan. U birinchi marta oddiy qilib yaqinlashishimiz va munosabatlarimizni mustahkamlashimiz kerakligini aytgan. Shundan keyin biz gaplasha boshladik”, — deydi Chopra.
Jeyson Sudeykis
Aktyor Jeyson Sudeykis Oliviya Uayld bilan qariyb 8 yil munosabatda bo‘lgan. Juftlik 2020-yilda ajrashdi, biroq ularning muhabbat tarixi hali ham ko‘plab muxlislar uchun qiziq. Ularning tanishish tarixi va munosabatlarining boshlanishi juda kulgili. Kunlardan bir kun Oliviya ziyofatga boradi va u yerda butunlay boshqa inson bilan uchrashadi. Uayld uni insonlar orasidan qidirayotganda, Jeyson Sudeykis yo‘lda aktrisaga duch keladi.
Sem Asgari
Fitnes murabbiyi Sem Asgari Britni Spirsning qalbini zabt eta oldi. Xonandaning turmush o‘rtog‘i intervyularning birida ular o‘rtasida qanday qilib muhabbat va munosabatlar boshlangani haqida gapirib bergan. Sem hazilkash bo‘lishga harakat qilgan va hazil qilib xonandadan ismini so‘ragan. Keyinchalik Britni uni yaxshi ko‘rib qolgan.
“U: Salom, men Britniman’, dedi. Men: Kechirasiz, ismingizni yana bir marta qaytara olasizmi?’, deb so‘radim. Hazilkash bo‘lishga harakat qildim. Menimcha, bu hamma uchun ham ishlamagan bo‘lardi”, — deydi Asgari.
Aleks Rodriges
Aleks Rodriges va Jennifer Lopesning allaqachon munosabatlari tugagan. Biroq sobiq sportchi Aleks Rodriges Jennifer Lopesning qalbini qanday zabt etgani haligicha yodga olinadi.
Rodriges intervyularining birida Lopes bilan kechki ovqatni birga iste’mol qilgan. U buni uchrashuv deb atash mumkinmi yoki yoqmi bilmasdi. Jennifer unga oila qurmaganini aytganidan keyin, beysbolchi SMS orqali xonandaga yaqin munosabatda bo‘lishni taklif qilgan.
Jastin Timberleyk
Muxlislar Jastin Timberleykning uchrashishida “eski maktab ruhi”ni his qilishadi. Bir necha yillar oldin xonanda hozirgi rafiqasi Jessika Bilga bilan tanishish uchun birinchi qadamni qanday qo‘yishni bilmas edi. Birinchi uchrashuvdan so‘ng, Jastin do‘stidan Jessikani u bilan uchrashuvga taklif qilishini so‘raydi. Jessika avvaliga ikkilanib qoldi, biroq keyin unga qo‘ng‘iroq qilishga ruxsat berdi. O‘sha paytda Timberleyk ishni o‘z qo‘liga oldi.
“Men buni eski uslubda, telefonda qildim. Buni men o‘gay dadam va bobomdan o‘rganganman. Ritsarlikka o‘xshash narsa bor — u ijtimoiy tarmoqlarda paydo bo‘lishi bilan o‘lmasligi kerak. Uning rozi bo‘lishi uchun men yetarlicha qat’iyatli bo‘lishim kerak edi. Biroq sabrim yetarli, agar biror narsani xohlasam, unga qattiq kirishaman. Oxir-oqibat, u rozi bo‘ldi”, — deydi Jastin.
Izoh (0)