Hukumat qarori bilan 18 yoshga to‘lmagan shaxslarning mehnatidan foydalanilishi taqiqlangan og‘ir ishlarning hamda zararli yoki xavfli mehnat sharoitlaridagi ishlarning ro‘yxati tasdiqlandi. Bu haqda Telegram’dagi “Huquqiy axborot” kanali xabar berdi.
Ro‘yxatga ko‘ra, quyidagi ishlarda 18 yoshga to‘lmagan shaxslarning mehnatidan foydalanish taqiqlanadi, jumladan:
- ko‘mirni boyitish apparatchisi;
- qimmatbaho metallar ishlab chiqarish apparatchisi;
- yer osti kon ishchisi;
- tarkibida olmos bo‘lgan konsentratlarni meʼyoriga yetkazuvchi;
- qora metallar ishlab chiqarish nazoratchisi;
- olmoslar va o‘ta qattiq materiallarni silliqlovchi;
- issiqlik tarmog‘idagi uskunalarni taʼmirlash bo‘yicha chilangar;
- neft va gaz qazib olish bo‘yicha operator;
- haz taqsimlash stansiyasi operatori;
- tibbiy preparatlarni dozalovchi;
- tibbiy mahsulotlarni taxlovchi;
- yuqori chastotali tok qurilmalarida payvandchi;
- gipsni qizdiruvchi;
- asfaltbetonchi;
- novvoy;
- xamir qoruvchi;
- go‘sht mahsulotlarini kesuvchi;
- muzqaymoq tayyorlovchi;
- naqqosh;
- yo‘lovchi tashuvchi poyezd mexanigi-brigadiri;
- tez tibbiy yordam stansiyalarining navbatchi tibbiyot xodimi.
2022-yil oktabrda Prognozlashtirish va makroiqtisodiy tadqiqotlar instituti norasmiy sektorda band bo‘lganlarning kamayish tendensiyasini tahlil qilgandi. Unga ko‘ra, 2022-yilda jami iqtisodiy faol aholi 14,98 million kishini tashkil qilgan. Undan jami 13,7 million kishi ish bilan band bo‘lib, ularning 6,5 million (47 foiz) qismi rasmiy sektorda.
Norasmiy sektorda bandlar sohalar kesimida rasmiy sektorda bandlar bilan bir xil miqdorda ish haqi oladi deb faraz qilinsa 2022-yilning o‘zida 9 milliondan oshiq aholi norasmiy sektorda band bo‘lgani hisobiga davlat budjetiga soliq ko‘rinishida 32,9 trillion so‘m mablag‘ tushmagan.
Izoh (0)