Килиан Мбаппе France Football талқинига кўра мавсумнинг энг яхши француз футболчиси дея эътироф этилди

“ПСЖ” ҳужумчиси Килиан Мбаппе France Football талқинига кўра, 2022/23 йилги мавсумнинг энг яхши француз футболчиси совринини қўлга киритди.

Мбаппе ушбу совринга учинчи бор эга чиқди ва Мишел Платини, Жан-Пьер Папен, Зинедин Зидан, Франк Рибери каби футболчиларни ортда қолдириб, Ален Жиресс билан тенглашиб олди. 

Рекордчилар — Тьерри Анри (5) ва Карим Бензема (4) ҳисобланади.

Килиан ўтган мавсум “ПСЖ” сафида Франция чемпионлигини қўлга киритди ва 29 та гол билан турнир тўпурарига айланди. Шунингдек, Франция чемпионатининг энг яхши футболчиси номига сазовор бўлди.

Мбаппе 2022 йилги Жаҳон Чемпионати финалига қадар етиб борди ва 8 та гол билан тўпурарга айланганди.